Hyundai Auto Azerbaijan şirkəti 2009-cu ildən başlayaraq “Gələcəyimiz üçün əl-ələ” və onun tərkib hissəsi olan “Uşaqlarıımız üçün əl-ələ” sosila məsuliyyət layihəsini həyata keçirməyə başladı. “Uşaqlarımız üçün əl-ələ” sosial layihənin məqsədi avtomobil qəzalarında valideynlərini itirmiş uşaqların arzularını reallaşdırmaq, onların müxtəlif ehtiyaclarını qarşılamaq olmuşdur.

Bu layihədə uşaqlara ümumilikdə 17 min manata yaxın birdəfəlik yardım göstərilmişdir. Bu il yanvarın 1-dən başlanan aksiya zamanı Hyundai Auto Azerbaijan şirkəti tərəfindən Bakı, Ağsu, Cəlilabad və Şəkidən olan valideynlərini avtomobil qəzasında itirmiş 18 yaşınadək uşaqları olan 7 ailəyə maddi yardım göstərilmişdir.

İlkin mərhələdə 50 uşağa 50 min manat məbləğində yardım göstərilməsi nəzərdə tutulsa da, müraciət edənlərin sayı bir qədər az olub. Buna baxmayaraq aksiya üçün ayrılmış vəsait, gələcəkdə digər uşaqların təhsili və sağlamlığı ilə bağlı problemləri və ehtiyaclarını qarşılamaq üçün yönəldiləcək. Bununla yanaşı digər sosial aksiyalar üçün də, Hyundai Auto Azerbaijan şirkəti vəsait ayıracaqdır.  
 

Hyundai Auto Azerbaijan ölkəmizdə futbolun inkişafına dəstək vermək məqsədilə  AFFA ilə birlikdə UEFA-nın proqramına uyğun olaraq Sumqayıt  şəhərindəki Kimyaçı Mədəniyyət Sarayının qarşısında Top Festivalı keçirmişdir.

Tədbir içtirakçıları arasında FİFA-nın Avropada futbolun inkişafı üzrə meneceri Yeva Paskue, FİFA-nın Qadın Futbolu Komitəsinin üzvü Mişel Koks və 15 yaşadək qızlardan ibarət Azərbaycan yığmasının baş məşqçisi Sissi Rayt da olub. 
 
“Eurovision-2009” müsabiqəsində Azərbaycanı təmsil etmiş Aysel Teymurzadənin çıxışı Festival iştirakçıları arasında böyük maraqla qarşılanıb. 
 
Festival çox gərgin və maraqlı keçib mübarizədən Tural Bayramlı qalib ayrılıb. 2-ci yeri Ramil Orucov, 3-cü yeri isə Ülvi Bayramlı tutub. 
 
Qızlar arasında yarışın qalibi Nərminə İsmayılova olub. Finala gədər gəlib çixa bilən balaca Aytaçın çıxışı isə Festivalı tam bir şouya çevirib. 
 
Onu da qeyd etmək istərdik ki, Hyundai Auto Azerbaijan.AFFA ilə birlikdə belə layihələri respublikanın digər şəhər və rayonlarında da davam etdirəcək.

Eyni qəbildən olan Top Festivalları  daha öncə Bakı və Lənkaran şəhərlərində  də keçirilmişdir. Keçirilən Top Festivallarında bu günə  qədər ümumilikdə 2800dən çox uşaq iştirak etmişdir.